الاثنين، 10 أغسطس 2009

أغنية " أكتر لأ "

أل خمس دقايق .. أكتر لأ
مش رح غيب .. ياحبيبتى بحق
وتمر ساعات .. والقلب يدق
كداب أوى . . أبدا ما ترق
خمس دقايق.. أكتر لأ

*******

دايما مواعيك.. فيها فروق
بتولع قلبى.. بنار الشوق
واما اسمع.. صوتك قلبى يروق
قبل ما ترن .. انا كنت هطق
خمس دقايق.. أكتر لأ



*****



تضحك على قلبى بكلمتين
تبعت لى جواب.. فيه يادوب سطرين
مش حقدر اشوفك غير بعدين
وختام يا حبيبتى ..كتير مشتاق
خمس دقايق أكترلأ



*********
كل العوازل.. بيك كايدينى
علشان هوال دايما يظلمنى
بتروح وتغيب ولا بتكلمنى
عايز الصراحة .معاهم حق
أل خمس دقايق أكتر لأ



********

أعزائى..

دى من أولى نتائج التعاون بينى وبين الأستاذ محمد ابراهيم وشهرته " رفعت " و هو من أقرب أصدقائى ، ويعمل بالمحاماه..وقد سعدت باكتشاف حبه للشعر وكونت معه ثنائى لكتابة الأغانى..

طبعا الأغنية ممكن تكون متوسطة المستوى أوحتى سيئة جدا من وجهة نظر البعض .المهم انها - على الأقل - ربما تخلو من الأخطاء المعيبة ..

ورأيكم بقى..أنا بحب جدا أى رأى مفيد وخصوصا حول عيوبى..

هناك تعليقان (2):

  1. بالتوفيق ان شاء الله يارب

    ردحذف
  2. الله يوفقك يارب بالخير

    ردحذف

من أنا

صورتي
مصر, القاهرة, Egypt
كاتب وصحفى و أحيانا رسام ..أحب أعمالى فى الأدب والدراما للأطفال.. فى الأصل فنان تشكيلى وأرسم بعض أعمالى.. متفرغ للابداع فى مجال الادب والمسرح للصغار - تحت اشراف احدى جهات وزارة الثقافة المصرية.. عملت فى اصدارت صحفية مصرية وعربية عديدة ربما كان أهمها الأهرام وحاليا بمجلة الموعد.. نشرت بعض أعمالى للأطفال فى عدد من المجلات المصرية والعربية مثل علاء الدين وقطر الندى فى مصر باسم(السعودية ) وماجد ( الامارات ) وفراس ( الكويت ) واحمد ( لبنان ) .. لى عدد من الكتب المطبوعة واخرى تحت الطبع، منها : "العصفور" ( اصدار دار المعارف ) , و "حكاية الأسد المرعوب" ( هيئة قصور الثقافة - وزارة الثقافة المصرية )و "الفتى الذى ادهش الخليفة" ( الهيئة المصرية العامة للكتاب ) و " سمكة حمراء وعصفور أخضر " اصدار الهيئة المصرية العامة للكتاب أجهز لأعمال درامية ومسرحية للصغار وللكبار..وأميل للكوميديا والرومانسية والنظرة الانسانية العميقة.. وأنا انسان بسيط جدا..من اسرة متوسطة تقريبا.. أحب الهدوء جدا جدا..وهومتعتى التى أحلم بها ولا أجدها الا قليلا فى هذا العالم المفعم بالازعاج والضجيج..

المتابعون